Għal diversi snin, Pembroke kienet żona militari u l-priġunieri tal-gwerra Kattoliċi Ġermaniżi bnew kappella żgħira qrib il-kwartieri tal-armata hekk kif it-tieni gwerra dinjija kienet toqrob lejn it-tmiem tagħha. Wara li s-Servizzi Brittaniċi telqu minn Pembroke, u marru joqogħdu l-ewwel residenti Maltin, din il-kappella ġiet imżejna mill-ġdid fuq disinni tal-Profs Richard England wara talba mill-Kappillan ta’ San Ġiljan. Meta nħolqot żona pastorali ġdida għall-Ibraġ, Pembroke bdiet tifforma parti minn din iż-żona sa Ħadd il-Palm tal-1998 meta minħabba l-bżonnijiet pastorali tar-residenti f’Pembroke il-Knisja ħarġet digriet Episkopali li bih inħolqot żona ġdida ddedikata lill-Irxoxt. Kristu. Inbena Ċentru Parrokkjali u l-knisja l-ġdida għandha tinbena fiż-żmien li ġej.